Mibisita si Colonel Manaros M. Boransing II, Deputy Brigade Commander sa 1st Infantry Division, kauban si Lieutenant Colonel Jesse G. Bergonia, Battalion Commander sa 97th Infantry Battalion, ug First Lieutenant Ilham S. Sirajan, CMO Officer sa 102nd Brigade, kang Mayor Roberto Y. Uy kaniadtong Nobyembre 27, 2025 sa City Mayorβs Office.
Ang pagbisita nagpalig-on sa padayong kooperasyon tali sa Philippine Army ug sa City Government of Dipolog aron masiguro ang lig-on nga kalinaw ug seguridad sa siyudad. Gipaabot sa mga opisyal ang ilang determinasyon sa pagpadayon sa koordinasyon sa mga programa batok kriminalidad, insurhensiya, ug sa pagpalambo sa kaluwasan sa mga komunidad.
Gihisgutan usab ang pagpalig-on sa civil-military partnership pinaagi sa paghatag ug mga inisyatiba nga motabang sa katawhan, lakip ang pag-apil sa mga outreach, disaster response, ug kampanya sa pagpreserba sa kalinaw.
Mipadayag usab si Mayor Uy sa iyang pasalamat sa Philippine Army tungod sa suporta ug dedikasyon niini sa katawhan sa Dipolog, ug iyang gipasiguro ang padayon nga suporta sa lokal nga pangagamhanan alang sa mga programa nga nagdala ug seguridad, kahapsay, ug kalamboan sa siyudad.(IKEN B. GULLEM)
Source: Dipolog City Government