Usab nga napamatud-an sa Dakbayan sa Dipolog ang kaisog ug kinaadman sa lokal nga pagdumala atol sa 2025 LAYAG Awards Night nga gipahigayon sa Pagadian City, diin nakadawat kini og daghang mga pasidungog ug pag-ila nga nagpasabot sa liderato ug kabag-ohan sa maong dakbayan.
NAkuha sa Dipolog ang prestihiyosong pasidungog isip Champion sa Sangguniang Kabataan Leadership Awards (SKALA) – City Level ug Champion sa Local Legislative Awards–Component City Category, nga nagpasabot sa matinud-anon nga liderato ug episyenteng pagdumala sa lokal nga konseho.
Sa 2025 LAYAG Awards for Excellence in Local Governance, mipatigbabaw usab ang dakbayan isip Champion sa Peace and Order Category (SkyOne) ug Champion sa Business Friendliness Category (Streets to Stalls: Dipolog Food Hub) nga usa ka timaan sa padayon nga kalamboan ug suporta sa mga negosyante. Dugang pa niini, napasidunggan usab ang Dipolog isip National Exemplar ug Regional Awardee sa 2025 SubayBAYANI, nga nagpasabot sa talagsaong pagpaningkamot sa pagpasiugda sa epektibong pagdumala ug serbisyo publiko.
Gidawat ang mga pasidungog nila Vice Mayor Hon. Senen O. Angeles, Atty. Teonilo Bagalanon Jr. (SP Secretary), Hon. Kristine Irish May Cuenca (SK Federation President), ug Ms. Meralie Ebal (CPDO Representative) uban nila CLGOO Sherrie Charlota Machutes ug LGOO II Niña Marice Dagpin sa DILG Dipolog.
Ang maong mga kadaugan nagpakita sa padayon nga dedikasyon sa Dakbayan sa Dipolog sa pagserbisyo nga tinud-anay, transparente, ug makatawhanong pangagamhanan.(IKEN B. GULLEM)
Source:DILG Dipolog