Nangayo og hinanaling pondo ang Sangguniang Panlungsod sa Dipolog sa House of Representatives aron igahin ang P526 milyon para sa pagpreserba, pag-ayo, o kapuli sa Quezon Bridge human kini opisyal nga sirad-e tungod sa structural instability ug hulga sa kaluwasan. Ang tulay giila nga usa ka historical landmark nga gisugdan pa niadtong 1939 ug dugay nang nagserbisyo sa koneksyon sa komunidad ug kalihukan sa ekonomiya sa Zamboanga del Norte.
Giusab sa konseho ang Resolution No. 25-171 sa ilang 20th Regular Session niadtong Nobyembre 11, 2025, ubos sa pagpangulo ni City Vice Mayor Senen Angeles. Pinauyon ang resolusyon sa tanan nga miyembro ug direkta kining nag-awhag nila Congressman Roberto Uy Jr., Congresswoman Irene Labadlabad ug Congressman Adrian Michael Amatong nga suportahan ang legislative funding human ang DPWH mosuta nga delikado na gamiton ang tulay tungod sa grabeng pagkadaut sa pundasyon ug tigulang na nga estruktura.
Gipatik usab sa konseho nga walay igo nga pondo ang DPWH alang sa emerhensiyang pag-ayo sulod sa 2025 budget, hinungdan sa ilang urgent appeal. Gisundan sa resolusyon ang National Cultural Heritage Act o RA 10066 nga nagpanalipod sa historical structures, samtang nagkutlo sa engineering report nga kinahanglan ang P526 milyon aron matabangan ang preservation, repair, o replacement sa tulay samtang respitado ang cultural value niini. Gipadala na ang kopya sa resolusyon sa Presidente, DPWH, NCCA, probinsya ug lungsod samtang naghulat ang Dipolog sa lihok sa nasodnong mga mambabalaod.(JENIFFER JR. DELICA)