Gipadayon sa Katipunan Municipal Fire Station ang pagpatuman sa Adopt-A-Student Scholar Program sa Basagan Elementary School sa Barangay Basagan, Katipunan aron suportahan ang mga kabataang nanginahanglan og tabang sa ilang pag-eskwela.
Gitumong sa maong programa ang paghatag og giya ug mentorship sa mga estudyanteng menos-palad apan adunay tinguha nga makapadayon sa pagtuon pinaagi sa pagpalig-on sa ilang akademikong kahibalo ug personal nga kalamboan.
Lakip sa tabang nga madawat sa mga napiling benepisyaryo ang academic mentoring, pagpalambo sa study skills, career exploration ug suporta sa panahon sa pinansyal nga kalisdanan.
Gilauman sa Katipunan Municipal Fire Station nga pinaagi sa maong inisyatiba mas mapalig-on ang edukasyon sa mga benepisyaryong estudyante ug madasig silang makab-ot ang ilang mga pangandoy.(JENIFFER JR. DELICA)
Source: BFP R9 Katipunan Fire Station