Padayon nga gipalapdan sa Dakbayan sa Dipolog ang mga programa nga nagpalambo sa digital literacy ug teknolohikal nga kahibalo sa komunidad pinaagi sa pagbansay sa mga partisipante kabahin sa batakang konsepto sa mobile robotics atol sa Tech4Ed Mobile Robotics Seminar.
Ang kalihokan gipahigayon niadtong Hunyo 23 sa Gallery 3, Museo Dipolog pinaagi sa City Social Welfare and Development Office (CSWDO) Tech4Ed Center sa pakigtambayayong sa Department of Information and Communications Technology (DICT) Zamboanga del Norte.
Gipasiugda sa seminar ang kamahinungdanon sa mobile robotics, innovation, ug digital skills isip kabahin sa pagpangandam sa mga partisipante alang sa nagpadayon nga pag-uswag sa teknolohiya.
Mitambong sa kalihokan sila Assistant City Social Welfare and Development Officer Jovencia D. Gregory, Tech4Ed Center Manager Rosarie S. Batilong, ug DICT Project Development Officer I Al Vincent M. Recentes, nga maoy nahimong resource speaker.
Kabahin ang seminar sa padayon nga paningkamot sa lokal nga panggamhanan sa paghatag og mas daghang oportunidad sa pagkat-on pinaagi sa teknolohiya ug pagpalig-on sa digital empowerment sa komunidad.(IKEN B. GULLEM)
Source: Dipolog City Government