Balhog karon sa prisohan ang usa ka 35 anyos nga tigpayuhot sa ilegal nga drugas atol sa gihimo nga buy-bust operation sa mga operatiba mga alas 10:30 ang takna sa kagabhion niadtong Oktubre 27, 2025 didto sa Barangay Talinga Leon Postigo, Zambonga del Norte.
Ang nasikop nga suspek naila nga usa ka 35 anyos nga lalaki, nailhang street level individual, ug residente sa Barangay Mandih, Sindangan Zambonga del Norte.
Ang pagkasikop gihimo pinaagi sa mga operatiba sa Leon Postigo Municipal Police Station (MPS) uban sa Zamboanga del Norte Provincial Drug Enforcement Unit (ZNPDEU) ug nakumpiska ang usa ka piraso nga heat-sealed transparent plastic sachet sa gituohang shabu isip (buy-bust item), lima ka piraso nga heat-sealed transparent plastic sachet sa gituhoang shabu nga motimbang sa kapin o kulang usa ka gramo nga mobalor og P6.800.00, ug usa ka piraso sa P500.00 bill nga gigamit isip marked money.
Ang mga nakumpiska nga drug items gi-turn-over ngadto sa buhatan sa Zamboanga del Norte del Norte Provincial Unit- Liloy Satellite Office alang sa eksaminasyon, samtang ang suspek gipaubos sa kustodiya sa Leon Postigo MPS alang sa pagpasaka og tukmang kaso ubos sa Republic Act No. 9165 (Comprehensive Dangerous Drugs Act of 2002).(MEDALYN U. BORJA)
Source: ZNPPO