Gibansay sa Department of Information and Communications Technology (DICT) Regional Office IX, pinaagi sa eLGU Team niini, ang mga personahe sa Local Government Unit (LGU) sa Godod sa pagdumala sa eLGU System ug pag-set up niini atol sa unang adlaw sa lima ka adlaw nga eLGU Admin Users Training niadtong Hulyo 6.
Tumong sa pagbansay ang pagpalig-on sa kahibalo ug abilidad sa mga partisipante sa pagdumala sa eLGU System ug pagamit sa eGov PH App aron mapaspas ug mapalapad ang paghatag og serbisyo sa publiko.
Naglakip ang maong pagbansay sa mga lecture, hands-on exercises, ug system configuration activities aron maandam ang mga partisipante sa epektibong pagpatuman sa digital transformation program sa gobyerno sa lokal nga lebel.(IKEN B. GULLEM)
Source: DICT IX BASULTA