Nagpahigayon kaniadtong Oktubre 27, 2025 ang Department of Education (DepEd) – Dipolog City Schools Division sa 5th Instructional Leadership Enhancement with Administration, Management and Governance & Operation Professional Development Program nga gipahigayon sa Atrium, Top Plaza Hotel, Dipolog City.
Ang maong kalihokan nagtigom sa mga iskolar nga pangulo sa eskwelahan, mga division leader, ug uban pang yawe nga opisyal aron mapalambo ang ilang kahanas sa pagpangulo, mapaayo ang sistema sa accountability, ug mapalig-on ang estratehikong pagdumala sa mga eskwelahan.
Ang tumong niini mao ang pagpasaka sa kalidad sa edukasyon alang sa matag estudyante nga Dipolognon.
Gipangulohan ni Schools Division Superintendent Ma. Liza R. Tablion, EdD, CESO V, uban ni Assistant Schools Division Superintendent Rosalio B. Conturro Jr., ug ubang division officials, ang programa nagpamatuod sa padayong paningkamot sa DepEd Dipolog sa pag-umol ug mga lider nga mamahimong ehemplo sa pagserbisyo nga puno sa kaisug, kasingkasing, ug integridad.
Sumala sa Division Office, ang aktibidad usa ka timaan sa panaghiusa ug paningkamot sa tanang lider sa edukasyon aron magpadayon sa pagserbisyo alang sa mga estudyante, matag eskwelahan, ug matag komunidad.(IKEN B. GULLEM)