Gitabangan sa MDRRMO-Salug Emergency Response Unit o SALERU ang 49 anyos nga babaye nga giatake og medikal nga emerhensiya sa Barangay Binoni, Salug, Zamboanga del Norte alas 9:40 sa buntag niadtong Agosto 15.
Pag-abot sa mga responders, gilayon nilang gisusi ang kahimtang sa pasyente ug gimantayan ang iyang vital signs. Nakita nga taas ang iyang blood pressure ug nakasinati siya og pagkahilo.
Gihatagan dayon ang pasyente og angay nga emergency medical assistance aron mapalig-on ang iyang kahimtang samtang giandam ang pagdala kaniya sa health facility.
Gidala ang pasyente sa Liloy District Hospital alang sa dugang nga evaluation ug medical management.(JENIFFER JR. DELICA)
Source: SALUG DRRM Office