Ang DENR-CENRO Manukan sa Zamboanga del Norte miduyog sa pagpahigayon sa tree planting activity sa 97th Infantry (KALASAGLAHI) Batallion, 1st Infantry (TABAK) Division, Philippine Army nga gipahigayon sa daplin sa Dicayo River sa Brgy. Matam, Katipunan, Zamboanga del Norte niadtong Mayo 05, 2023.
Ang kalihokan subay sa Annual Program Based (APB) sa AFP alang sa CY 2023 Activities nga nagtumong sa pagpanalipod sa palibot nga mga lugar; pagpakunhod sa gidaghanon sa storm water runoff, erosion ug polusyon sa atong mga agianan sa tubig ug pagpakunhod sa epekto sa pagbaha.
Gisalmotan sa kinatibuk-ang kwarenta (40) ka mga nananom og kahoy gikan sa CENRO Manukan, 97th IB Philippine Army (PA), mga magtutudlo sa Gonzalo Reinante National High School, Barangay Matam Local Government Unit ug sa mga lokal nga residente.
Mokabat sa 170 ka mga kahoy nga gilangkuban sa Narra ug Lumbayao species ang gitanom sa maong lugar.
(Source: DENR Zamboanga Peninsula Facebook page)