Ang buhatan sa Department of Environment and Natural Resources (DENR)-Community Environment and Natural Resources Office (CENRO) 1st Congressional District, sa pagpangulo ni CENR Officer Adelaida R. Borja, magpahigayon ug One Stop Shop sa pagtitulo sa mga yuta, sa Barangay Sikitan, Piñan, Zamboanga del Norte, karong martes, Agosto 13, ning tuig.
Matod ni CENR Officer Borja, nga usa sa ilang kalihukan karon sa DENR-CENRO mao ang pagtitulo sa mga yuta o lote, aron makaangkon na ug kaugalingong titulo ang mga nag-okupar sa maong mga luna. Libre ang pag-suvey niini, ug aduna lamay bayrunon nga 150 pesos alang sa application for title. Giklaro ni Borja, nga katong mga yuta lamang nga gitawag ug public land ug dili usab timber land.
Dugang niya, nga adunay Lima (5) ka Land Management Inspectors gikan sa iayng buhatan ang mosubay sa matag Municipal Assessors Office, aron masuta kong unsang barangay ang daghan pang mga public lands nga sa dugay ng panahon gi-ukopahan sa matag pamilya.
Giawhag ni Borja, ang mga nanag-iya ug yuta/lote sa unang distrito ning probinsya, nga wala pa matitulohi sa pagsubay lang inyong municipal assessors aron masuta kon apil ba ang inyong mga yutang gi-ukopahan nga matitulohan. Makita usab sa Mapa sa inyong barangay kong pwede ba kini nga matitulohan.
Karong Lunes ang CENRO-One Stop Shop sa pagtitulo sa mga yuta/lote didto sa Brgy. Sikitan, Piñan, nga maoy unang na identify. Samtang gisugdan na usab ang pag-ila ang mga public lands sa Brgy. Poblacion sa lungsod sa Sergio Osmeña, ug ipahibalo ra unya ang insaktong petsa sa “One Stop Shop” of land titling.
(Source: PIC-Nena M. Garcia)