Arestado ang usa ka delivery driver sa gikasa nga intel driven operation sa mga personahe sa kapulisan batok sa Anti-Smuggling Cigarrettes,mga alas 10:14 ang takna sa buntag, niadtong Nobyembre 26,2024 didto sa Purok Malipayon, Brgy. Poblacion, Kalawit, Zamboanga Del Norte.
Ang dinakpan naila nga usa ka lalaki, 41 anyos, minyo, delivery driver ug residente sa Poblacion, Titay, Zamboanga Sibugay.
Nasikop kini pinaagi sa mga personahe sa Kalawit MPS uban sa mga personahe sa 901st RMFB9 ug nakumpiska ang 3 ka ream sa New Far Red nga sigarilyo,5 ka ream sa Cannon Menthol nga sigarilyo,5 sa Bag-ong Far Green nga sigarilyo,13 ka ream sa New Berlin ug 1 ka Bajaj Re “bao-bao” kolor Dark Yellow nga adunay Temporary plate number.
Gibanabana nga mokabat sa P29,796 ang market value sa gidudahang smuggled nga sigarilyo.
Ang dinakpan gipahibalo sa iyang katungod pareho sa Miranda doctrine ug anti-torture law ug gidala sa Kalawit Rural Health Unit alang sa medical examination ug ang mga
dili dokumentado nga mga smuggled nga sigarilyo ug motorsiklo gidala sa kustodiya sa Kalawit MPS alang sa tukmang disposisyon. (Medalyn U. Borja)
(Source: ZNPPO)