Sikop sa gipahigayon nga drug buy-bust operation sa kapulisan ang usa ka lalaking gikataho nga Street Level Individual, niadtong Nobyembre 26,2024 sa may alas 5:08 sa hapon didto sa Purok Isla Degami, Brgy. Turno, dakbayan sa Dipolog.
Ang dinakpan naila nga usa ka lalaki, ulitawo, 32 anyos, habal habal driver, ug residente sa Purok Tongo, Brgy. Minaog, Dipolog City, Zamboanga del Norte.
Nasikop kini pinaagi sa hiniusang pwersa sa mga personahe sa Dipolog CPS (SDET) kauban ang RDEU 9, ZNPDEU, ug 1st ZNPMFC sa koordinasyon sa ZN PDEA 9 ug nakumpiska gikan sa posisyon ug kontrol sa suspek mao ang 1 ka piraso small sized heat-sealed transparent plastic sachet nga adunay sulod nga white crystalline granules nga gituohang “shabu” isip buy bust evidence, 2 ka piraso sa big sized heat-sealed transparent plastic pack nga adunay sulod nga puti nga dagkong kristal nga gituohang shabu, 1,000-peso bill nga buy bust money, 1 ka unit keypad cellular phone nokia brand color gray, 1 ka piraso sa cigarette pack Berlin brand nagsilbing sudlanan sa shabu, 2 ka piraso sa P100 peso bill cash money, ug 1 ka motorsiklo Motoposh Brand kolor itom nga adunay temporaryo nga plate number.
Gibana-banang mutimbang sa 20 gramos ang maong drugas ug adunay standard drug price nga mobalor sa P136,000.
Ang mga nakumpiska nga drug items gi-turn over ngadto sa ZDN Provincial Forensic Unit para sa eksaminasyon, samtang ang dinakpan gitanggong ubos sa protective custody sa Dipolog CPS alang sa tukmang disposasyon. (Medalyn U. Borja)
(Source: ZNPPO)