Davao del Sur – Kapin 147 ka mga scholars sa lungsod sa Sta. Cruz ang nakadawat sa ilang cash assistance atol sa Turn Over Ceremony nga gipangunahan ni Mayor Jose Nelson “Tata” Sala.
Ang mga benepisyaryo mao ang mga college students nga nag-eskwela sa mga pribadong institusyon ug sa pipila ka State Universities nga wala nahimutan g sa Sta. Cruz. Ang maong programa gipatuman sa lokal nga pangagamhanan aron matabangan ang mga estudyanteng adunay maayong academic performance nga nagpili sa pagpadayon sa ilang pagtuon gawas sa lokal nga kolehiyo.
Kini na ang ikatulong tranche sa Financial Assistance Program, diin matag scholar nakadawat og ₱22,000 alang sa kasamtangang semester. Ang tabang gitumong sa pagtabang sa gastuh anan sa tuition, proyekto, ug uban pang panginahanglanon sa eskwela.
Sa iyang mensahe, gibutyag sa mayor nag ang pinansyal nga tabang nagpakita sa pagsalig ug paglaom sa lokal nga pangagamhanan ug sa katawhan sa Sta. Cruz ngadto sa mga kabatan-onan, nga gilauman nga sila mamahimong paglaom ug kaugmaon sa lungsod.