Gitapos sa Department of Agrarian Reform (DAR) Zamboanga del Norte ang katapusang dry-run niini kaniadtong Nobyembre 25, 2025 isip preparasyon sa umaabot nga Regionwide Project SPLIT Assessment, nga nagpunting sa paglig-on sa proseso sa land tenure security alang sa agrarian reform beneficiaries.
Gipangulohan ang kalihokan ni PARPO II Daisy Dell Suan Digamon, kauban si CARPO-LTID Teodulo Yanoyan Jr., uban sa personnel sa probinsyal nga buhatan ug mga Municipal Agrarian Reform Program Officers (MARPOs). Gikatakda ang dry-run aron masiguro nga ang Project Management Team andam sa pagpatuman sa Survey, Redocumentation, Reissuance, ug Registration ubos sa Project SPLIT.
Ang maong kalihokan kabahin sa hugot nga paningkamot sa DAR nga maghatag husto, tukma, ug transparent nga output, ilabina sa pagproseso sa individual land titles nga mahimong makapalig-on sa katungod sa yuta sa mga benepisyaryo sa agrarian reform.(IKEN B. GULLEM)
Source: DAR ZAMBONORTE