Walo ka pamilya nga adunay Children with Disabilities (CWDs) ang nakadawat ug ₱10,000 cash assistance gikan sa Provincial Government kaniadtong Nobyembre 25, 2025, isip kabahin sa selebrasyon sa National Children’s Month.
Ang inisyatiba gipasiugdahan sa Provincial Social Welfare and Development Office (PSWDO) ubos ni OIC-Hannah Lou Gumapon-Mandantes, uban ang hugot nga suporta ni Gob. Darel Dexter Uy.
Ang maong tabang gitugyan aron matabangan ang mga ginikanan sa ilang panginahanglan, ilabina sa pag-atiman sa medisina ug therapy sa ilang mga anak. Usa sa benepisyaryo si Ms. Blanche Miole, inahan sa duha ka batang kaluha nga adunay autism, nga mipadayag sa dako niyang pasalamat sa PSWDO ug sa Social Welfare Officer nga si Katrina Raneses sa pag-abot sa tabang sa takdang panahon.
Gipasalamatan niya ang probinsyal nga kagamhanan sa pagpakita nga ang mga bata nga adunay disabilities adunay bili ug lugar sa komunidad.(IKEN B. GULLEM)
Source: Zamboanga del Norte Provincial News Network