Gipalig-on sa Department of Science and Technology Regional Office IX (DOST-IX) ang kahibalo sa mga mag-uuma sa Barangay Sta. Cruz, La Libertad pinaagi sa duha ka adlaw nga training sa paghimo ug coco water vinegar.
Kapin 25 ka miyembro sa Santa Cruz Small Coconut Farmers Multi-Purpose Cooperative (SCSCFMP) ang mitambong sa maong pagbansay.
Ang kalihokan gihuptan sa DOST Provincial Science and Technology Office (PSTO) ug gisuportahan sa DOST-Industrial Technology Development Institute (ITDI). Ang mga eksperto nga sila Mr. Marvin Mendoza ug Ms. Ana Melissa Bustaman ang mitudlo sa teknikal nga proseso sa paghimo ug suka gikan sa coco water.
Lakip sa maong training ang pagpasabot sa gamit sa kompleto nga equipment set nga nadawat sa kooperatiba ubos sa Grant-in-Aid (GIA) program sa DOST.
Tungod niini, operational na ang pasilidad sa vinegar production nga gilauman makapamugos ug 160 ka litro matag adlaw, katumbas sa 230 ka botelya.
Gipunting sa proyekto ang duha tumong, ang paghatag ug bag-ong panginabuhian aron mosaka ang kita sa kooperatiba, ug ang pag-maximize sa coco water, nga kasagaran ilabay panahon sa paghimo ug kopra, pinaagi sa pag-usab niini ngadto sa usa ka high-value product sama sa coco water vinegar.
Ang inisyatiba gipahigayon uban sa Department of Agrarian Reform (DAR) ug ubang ahensya ubos sa Village Level Farm-focused Enterprise Development (VLFED) program, aron mapalambo ang lokal nga agrikultura ug kabuhayan sa komunidad.(IKEN B. GULLEM)
SOURCE: DOST REGIONAL OFFICE NO. IX