Magpahigayon ang Department of Agrarian Reform Zamboanga del Norte og Legal Services Caravan sa Labason karung umaabot Abril 28, 2026 sa MDRRMO Covered Court sa Barangay Lopoc.
Ang maong kalihokan pagahimoon gikan alas-9 sa buntag hangtod alas-4 sa hapon aron mahatagan og libreng legal nga tambag ang mga mag-uuma ug residente sa ikatulong distrito.
Sumala sa DAR, tumong sa caravan ang pagpalig-on sa kahimtang sa mga benepisyaryo pinaagi sa direkta ug dedikadong serbisyo publiko.
Giawhag ang mga komunidad nga moapil sa maong inisyatiba aron makabenepisyo sa libreng legal nga suporta nga ihatag sa gobyerno.(JENNIFER JR. DELICA)
Source: DAR Zamboanga del Norte Province