Nakapahigayon ang Sindangan District Jail og satellite registration alang sa Persons Deprived of Liberty niadtong Abril 18, 2026 ubos sa pagpanguna ni Jail Warden JCINSP Arvin Dan R. Aguito.
Nahimo ang kalihokan pinaagi sa koordinasyon sa COMELEC Sindangan nga gipangulohan ni Election Officer IV Cynthia D. Cabrera, subay sa COMELEC Resolution No. 9371.
Sa proseso, gihimo ang verification sa records, pagpuno sa mga porma, ug biometrics capturing aron masiguro ang hustong rehistrasyon sa mga PDL.
Sa kinatibuk-an, 11 ka PDL ang bag-ong narehistro samtang 12 ang nagpa-transfer, nga nagtugot kanila sa paggamit sa ilang katungod sa pagboto bisan sulod sa pasilidad.(JENNIFER JR. DELICA)
Source: Sindangan District Jail- BJMPR9