Gipartisiparan ni PCPT Rolly V. Lacay, Deputy Chief of Police sa Dapitan PNP, ubos sa direktang superbisyon ni PLTCOL Eva Joy E. Capurcos, Chief of Police, ang 4th Quarter 2025 Protected Area Management Board (PAMB) Meeting nga gipahigayon sa Bajamunde Farm Hall, Barangay Dawo, Dapitan City, niadtong nilabayng adlaw.
Gitutokan sa maong tigum ang mga isyu ug plano kabahin sa Jose Rizal Memorial Protected Landscape (JRMPL) ug ubang kalikupan nga kabalaka sa Department of Environment and Natural Resources (DENR).
Ang kalihokan nagtumong sa paghimo og konkreto nga mga tumong ug lakang aron mapadayon ang pagpanalipod sa mga protektadong lugar sa Dapitan City ug mapalig-on ang komitment sa tanang sektor alang sa kalikupan ug pagpreserba sa kinaiyahan.(JENIFFER JR. DELICA)
Source: Dapitan City Police Station ZNPPO