Malampusong napahigayon ang usa ka Inauguration ug Blessings Ceremony alang sa bag-ong natukod nga Fire Station sa Municipalidad sa Sibutad, Zambonga del Norte, niadtong Nobyembre 7,2025.
Ang maong makasaysayanong kalihakon giisip nga usa ka milestone alang sa Bureau of Fire Protection Region IX, diin ang nasangpit nga seremonyas gisugdan pinaagi sa ribbon-cutting nga gipangunahan ni FCSUPT JERRY DUHINA CANDIDO, DSC, Regional Director BFP RIX, uban ni FSUPT RICHARD C TIMOSA, DSC, Provincial Fire Marshal, BFP ZDN, Hon. Roberto T. Uy Jr., Congressman, 1st District, ZDN, Hon. Edilbrando B. Lagudas, Municipal Mayor of Sibutad, Hon. Charnel Jade O.Batulan, Municipal Vice Mayor, PCPT MARVIC L MAPACPAC, OIC Sibutad MPS, ug Engr. Ahmed-Noor M. Ebrahim, Kontraktor.
Kini gisundan sa usa ka pagbukas nga inaugural mark ug pagbendisyon sa bag-ong natukod nga estasyonan sa kabomberohan, nagbarug isip usa ka testamento sa pag palig-on sa iyang kapasidad sa operasyon sa pagtubag dayon sa mga emerhensya, pagpataas sa kahibalo sa publiko sa paglikay sa sunog, ug paghatag serbisyo sa komunidad.
Si Hon. Roberto T. Uy Jr., Kongresista sa 1st District sa Zamboanga del Norte, mipaambit ug mensahe nga puno sa suporta nga makapadasig sa panag-uban tali sa BFP ug sa lokal nga kagamhanan sa pagpasiugda sa kalig-on sa komunidad.
Nagtimaan usab kini sa usa ka bag-ong kapitulo sa pagpalig-on sa kaluwasan sa sunog ug serbisyo publiko alang sa mga lumulupyo sa Sibutad.
Samtang sa pikas bahin,human sa inauguration rites, gisunod ang program proper, nga gipasiugdahan sa pagpirma sa deed of donation alang sa lote sa fire station pabor sa Bureau of Fire Protection.
Ang pagtukod niini nga pasilidad alang sa Bureau nagpakita sa dili matarug nga pagtinabangay tali sa BFP ug sa LGU — usa ka hiniusang pasalig aron masiguro ang kaluwasan, seguridad, ug kaayohan sa matag lumulupyo sa Sibutad.(MEDALYN U. BORJA)
Source: BFP R9 Zambonga del Norte Provincial Office