Nagpatuman og community outreach ug information drive ang Dapitan City Police Station (CPS) sa Barangay Kauswagan isip kabahin sa “Ugnayan sa Barangay” program niadtong Abril 15, 2026, nga gipangulohan ni PCMS Marwin Cimafranca sa ilawom sa direktang giya ni PLTCOL Eva Joy E Capurcos.
Gipahigayon ang lecture ug interactive discussion kabahin sa nagkalain-laing balaod ug isyu sa kaluwasan sama sa illegal nga droga ubos sa Comprehensive Dangerous Drugs Act of 2002, pagpugong sa kawat ug tulis, anti-rape law, suicide prevention, ug pagpasabot sa proseso sa Katarungang Pambarangay.
Gidugangan usab ang impormasyon kabahin sa proteksyon sa kabataan ubos sa Special Protection of Children Against Abuse Act, ug uban pang tips sa crime prevention ug personal safety.
Isip suporta sa barangay security efforts, gihatagan usab og basic operational tools sama sa arnis sticks ug handcuffs ang mga barangay officials ug tanod aron makatabang sa ilang adlaw-adlaw nga pagbantay sa kahapsay sa lugar.(IKEN B. GULLEM)
Source: Dapitan City Police Station ZNPPO