Gipahigayon kagahapon, Nobyembre 20, 2025, sa alas 9:00 sa buntag sa Sitio Toril, Brgy. Daro, Dapitan City ang Revitalized Pulis Sa Barangay Program nga gipangulohan sa 1st Zamboanga del Norte Provincial Mobile Force Company (1st ZNPMFC) ni PLTCOL Ryan Jay R. Capurcos, Force Commander. Mitambong usab ang Dapitan City Police Station (CPS) ubos sa liderato ni PLT Mariannie D. Mandi ug supervision ni PLTCOL Eva Joy E. Capurcos, Chief of Police, kauban ang lain-laing ahensya sa gobyerno sama sa Technical Education and Skills Development Authority (TESDA), Department of Labor and Employment (DOLE), City Health Office (CHO), ug Mobile Force Company Advisory Group for Police Transformation and Development (MFCAGPTD).
Sa programa, gisaysay ni PMSg Vanessa A. Dofitas ang Republic Act 9262 o Anti-Violence Against Women and Their Children Act of 2004, samtang gihatagan impormasyon ni PSSg Manuel Projo ang publiko bahin sa Barangay Peacekeeping Action Teams (BPATs).
Ang kalihokan nagpunting sa pagpalig-on sa pakig-partner sa kapulisan ug komunidad aron masiguro ang kalinaw ug proteksyon sa katawhan.(JENIFFER JR. DELICA)
Source: Dapitan City Police Station, ZNPPO