Suma total 230 ka magtutudlo ang opisyal nga nanumpa human sila mapromote ubos sa expanded career progression sa usa ka mass oath-taking nga gipangunahan ni Mayor Evelyn T. Uy, kaniadtong Disyembre 26 sa Dapitan City National High School covered court.
Ang mga napromote nga magtutudlo gidayeg tungod sa ilang kakugi, dedikasyon, ug padayon nga serbisyo sa edukasyon. Mitambong usab sa kalihokan ang mga opisyal sa Department of Education, lakip si Schools Division Superintendent Dr. Jay S. Montealto ug CID Chief Dr. Vicente Jose V. Suarez.
Sa mensahe ni Mayor Uy, gipasalig niya ang suporta sa lokal nga pangagamhanan sa mga magtutudlo ug gidasig sila nga ipadayon ang pagtudlo nga may kasingkasing ug responsibilidad. Iya usab gipasiugda nga dakong papel ang ginadula sa mga magtutudlo sa paghulma sa kaugmaon sa kabatan-onan ug sa komunidad.
Kini nga kalihokan nagtimaan sa usa ka bag-ong yugto sa serbisyo sa 230 ka magtutudlo nga gilauman nga mas mopakusog pa sa kalidad sa edukasyon sa Dapitan City.(IKEN B. GULLEM)
Source: Zamboanga del Norte Provincial News Network