Usa ka mabulukon ug makahuluganon nga flag raising ceremony, ubos sa liderato ni Mayor Evelyn T. Uy ug Sangguniang Panlungsod, ang gipahigayon sa Government Center sa Dapitan City, Hulyo 14, 2025.
Gipasiugda sa maong kalihokan ang pagpasidungog sa kultura ug nasudnong gugma diin ang mga empleyado gikan sa nagkalain-laing buhatan sa syudad nagsul-ob sa ilang matahom ug nagkadayang disenyo nga mga Filipiniana. Ang makabungog nga kolor ug elegante nga mga sinina naghatag og kainit, katahum, ug panaghiusa sa pagsugod sa semana.
Ang maong aktibidad usa ka paagi sa pagdasig sa mga katawhan sa pagpadayon sa pagpakita sa patriotismo ug pagpasigarbo sa kultura nga nagpadayag sa identidad ug kaisog sa katawhang Pilipino.
Gipasiugda usab niini ang dakong papel sa lokal nga panggamhanan sa pagpasiugda sa mga kalihokan nga nagpalig-on sa gugma sa nasud ug pagkahimakas sa kultura sa tanang sektor sa komunidad.
Ang flag raising ceremony usa sa mga regular nga kalihokan sa City Government sa Dapitan, diin ginaapilan sa mga opisyal ug empleyado isip panagpakita sa ilang suporta, panaghiusa, ug kooperasyon alang sa kalinaw, kalamboan, ug kaayohan sa komunidad.(Jumalisa Papa)
Source: Dapitan City Government