Maayong pagkatikwang ang usa ka single motor, tungod sa guba nga bahin sa dalan partikular sa Barangay Sigamok, Lungsod sa Jose Dalman Ning Probinsiya sa Zamboanga Del Norte, niadtong nakalabay’ng adlawa, Hulyo 14, 2025 sa may alas 6:00 sa hapon.
Ang nasangpit nga Vehicular Accident, paspas nga gi-respondihan sa mga Personahe sa Jose Dalman Municipal Fire Station, ug didto ilang naabtan ang biktima si JOMAR O. Emog lalaking 33 anyos, nga naghigda daplin sa nahistang dalan, diin ang maong biktima, nakaangkon kini og Injury sa iyang Walang Bukton, maingon man, nakaangkon usab kini og Pangus ug Samad sa iyang Tuong Tuhod.
Gipahigayonan diyon nila kini og First Aid, pinaagi sa pagkuha sa iyang Vital Sign, ug sa dahang ila nang napiho nga anaa na kini sa luwas nga kahimtang, gihingloan dayon ang mga Pangus ug Samad sa naasoy nga biktima, pinaagi sa pagbutang og Povidone-iodine ug ang pag-aplay niini og Sterile Dressings.
Dali dayon kining gidala ngadto sa Jose Dalman Rural Health unit alang na sa medikasyon nga iyang gikinahanglan, diin ang maong biktima, anaa na sa luwas nga kahimtang, og napaalim nalang sa Samad nga iyang nahiaguman sa nahisgutang Aksidente.
Ang pahimangno sa mga awtoridad ngadto sa mga Motorista, nga mag-amping sa kanunay sa inyong mga pagbyahe, ug likayan nga magpakusog sa pagpadagan sa inyong gimaniho nga sakyanan, ilabina kon dili ninyo kabisado ang dalan nga inyong giagian.(Julius Esmade)