Nagpakita og kusog nga performance sa kampanya batok ilegal nga droga ang Dipolog ug Dapitan City human sa on-site pre-assessment sa ilang Anti-Drug Abuse Councils (CADAC) niadtong Abril 7, 2026.
Sa inisyal nga resulta sa audit, ang Dipolog CADAC nakakuha og 81 puntos, samtang ang Dapitan CADAC nakab-ot ang 85 puntos, nga parehong duol sa “Highly Functional” nga rating gikan sa Departmmet of Interior and Local Government (DILG).
Gihimo ang assessment sa Provincial Anti-Drug Abuse Council (PADAC) aron masusi ang kahanduman, dokumentasyon, ug implementasyon sa mga programa batok ilegal nga droga, ug aron mailhan ang mga kakulangan nga angay pang pauswagon.
Gibutyag usab nga sa Dipolog, adunay na usa ka barangay nga drug-free ug 18 ka barangay nga drug-cleared, bisan pa man adunay duha ka barangay nga nagpabiling apektado.
Sumala sa PADAC, padayon ang paningkamot sa probinsya nga mapalig-on ang mga lokal nga konseho, uban sa gi-allocate nga ₱16 milyon nga pondo aron suportahan ang anti-drug initiatives. (IKEN B. GULLEM)
Source: Zamboanga del Norte Provincial News Network