Gitak-opan kaniadtong Nobyembre 21, 2025 ang usa ka semanang kalihokan sa Drug Abuse Prevention and Control (DAPC) Week 2025 pinaagi sa usa ka awarding ceremony sa Social Hall sa City Hall.
Mitambong ang mga representante sa probinsya ug siyudad, lakip sila Board Member Michael Documento, PCol. Jimmy M. Laguyo nga nagsilbing keynote speaker, Atty. Elro Tabiliran, ug PDEA ZN Assistant PD Richie Sorronda, kauban mga opisyal sa DOH, DepEd, ug Provincial Health Office.
Sa mensahe ni PCol. Laguyo, iyang gipunting nga ang paggamit sa ilegal nga droga makabag-o sa batasan ug disisyon sa usa ka tawo ug kadaghanan sa heinous crimes sama sa rape ug murder adunay kalambigitan niini. Matod pa sa datos sa kapolisan, 80–90% sa mga napreso nga adunay capital offenses konektado sa paggamit o pagbaligya sa droga, ug daghan niini mibalik sa krimen pagkagawas nila.
Nagpahimangno ug nanawagan si Laguyo sa tanan nga magpadayon ang panaghiusa aron mapalig-on ang kampanya batok sa illegal nga droga.(IKEN B. GULLEM)
Source: Zamboanga del Norte Provincial News Network