Damyos sa sunog miabot sa 102, 750 ka pesos ang gibana-banang kantidad sa may alas 3:21 PM didto sa 049 Quezon & Gomez Avenue St. Dipolog City, June 2, 2025.
Ang sunog partikularmente sa maong bunkhouse nga gipanag-iyahan ni Jojo Balancar Llorente, kahibaloan ang sunog gideklarar nga kontrolado sulod sa 2 minutos, diin gikonsiderang “fire -out” pasado alas 3:24 PM, nga milungtag lamang ug tres minutos.
Ang maong sunog ang nahimutang lang sa 1st alarm ug wala ra usab gikataho nga nahiagom ingon man nakabsan sa kinabuhi, ug walay lain pang mga mga establismento nga naangin.
Ang maong area nga nasunog adunay 68.5 square meters lamang. Ang buhatan sa BFP ang dali gilayong mi responde sa units Engine 701, Engine 702 (Shift A), Dipolog City Fire Station, sa gilay-un nga 200 meters gikan sa stasyun paingun sa nasangpit nga lugar, sulod sa usa ka minuto.
Ang pagresponde gipanguluhan ni FINSP Yolando L. Lagudas Deputy Fire Marshall dinhi sa Dipolog City.
Ang Dipolog City Fire Station nagpahimangno ngadto sa publiko nga magpabiling mabinantayon ug kinahanglan tun-an ang mga fire safety sa matag panimalay sa tanang panahon para sa paglikay sa parehong insidente.
Sa pagkakaron padayon pa ang imbestigasyon sa insidente kung unsay hinungdan sa nahitabong sunog.(Angelica T. Obina)
Source:BFP DIPOLOG