Dipolog: Dakpan ang duha ka lalaki sa Brgy. Oyan, Dapitan City, sa pagpayuhot ug marijuana

0
9
(Photo credits to the owner)

Dakpan sa mga kapulisan sa Dapitan City Police Station (DCPS) ang duha ka lalaki sa Purok Saging, Barangay Oyan, Dapitan City, sa pagdala ug marijuana ,sa may alas 4:20 sa hapon, Hunyo 10,2024.

Matud pa sa taho sa Dapitan PNP dugay na kini nilang gipanid an kay aduna na silay mga taho kalabot na sa pag hithit niining marijuana nga silbeng gigamit isip pagpanigarilyo ug kini malampusong nasikop ang duha ubos sa pagpaningkamot sa Dapitan PNP nga gipangunahan ni PMSg Dexter Labisig nailang sila alyas “Jylland”, 32, taga Barangay Sta. Cruz, ug alyas “Joshua”, 22, residente sa Barangay Dawo sa nahisgutang lugar sa syudad.

Kahibaloan atol sa pag search sa mga suspek diin nakuhaan kini og 3.5 gramos nga gituohang dahon sa marijuana. Lain pa niini nakuhaan usab sa mga kapolisan ug lighter, cellphone, ug identification card. Gibanabana nga mo kostar sa PhP1,750 ang kantidad sa nakuha nga marijuana.

Sa pagkakaron anaa na sa Dapitan CPS ang duha ug mag-atubang sila sa kasong kriminal sa kalapasan sa Anti-Drug Law, ang mga nakuha nga butang isubmiter kini sa Zamboanga del Norte Provincial Forensic Unit ,alang sa tukmang disposasyon. (Angelica T. Obina)

(Source: ZNPPO)

Leave a Reply