Gisaulog na usab ang tinuig nga selebrasyon alang sa mga katawhan dinhi sa dakbayan sa Dipolog nga mao ang P’gsalabuk Festival subay sa tema nga “Celebrate Unity Amidst Adversity” nagtimaan sa ika-26 nga kasaulogan niini niadtong Mayo 23,2025.
Ang maong kalihokan gipangulohan sa Bise Mayor ning dakbayan sa Dipolog nga si Senen O. Angeles uban sa mga Konsehales ning dakbayan nga gilangkuban nila ni Atty. Jonald C. Napigquit ug Hon. Praxides Rubia ug sa mga umaabot nga opisyal dinhi sa syudad nga sila ni Dr. Ryan Niel Asprer, Mr. Harrison Young, duyog sa umaabot nga Mayor dinhi sa dakbayan sa Dipolog nga si City Mayor Roberto Y. Uy.
Isip kabahin sa kalihokan gipahigayon ang usa ka Street Dance Presentation ug Festival King and Queen Competition, diin kini gihatagan ug gibug-aton sa umaabot sa Mayor ning dakbayan sa Dipolog nga si Mayor Roberto Uy pinaagi sa paghatag ug makapadasig nga mensahe.
Gitataw niining kasaulogan sa P’gsalabok Festival mao ang paghiusa sa komunidad sa Dipolog,Subanen,Muslim ug Kristiyano bisan pa sa kalahian sa kultura kini mag giya sa pagpadayon sa kalinaw ug paghiusa sa matag komunidad.(Medalyn U. Borja)
Source: Dipolog City Government