Mitabang ang City Social Welfare and Development Office (CSWDO) pinangulohan ni CSWDO Patrick S. Jalapadan sa pagtabang sa mga residente nga naapektuhan sa storm surge pinaagi sa pag pangapod-apod ug hot meals sa mga residente sa Purok Corales, Purok Fisherman’s Village sa Barangay Olingan, ug Ramos Village, sa ilang tagsa-tagsa ka covered courts, kaniadtong buntag sa Nobyembre 10, 2025.
Gipahibalo nga ang maong mga residente makadawat usab ug food packs gikan sa CSWDO isip dali nga tabang gikan sa City Government of Dipolog, aron matabangan sila sa ilang panginahanglan human sa epekto sa kusog nga balod ug pagbaha sa baybayon.
Ang kalihukan nagpamatuod sa pasalig sa lokal nga panggamhanan sa pag-atiman ug pagpanalipod sa katawhan labi na sa panahon sa emerhensiya.(IKEN B. GULLEM)
Source: Dipolog City Government