Gipangunahan sa 97th Infantry “Kalasaglahi” Battalion (97IB) ang unang coordination meeting alang sa Kalasag Zamboanga del Norte Inter-Agency Territorial Defense Operations (ITDO) Exercise 01-2026 nga gipahigayon niadtong kaniadtong Enero 14, 2026 sa headquarters sa 97IB sa Barangay Del Pilar, Piñan, Zamboanga del Norte.
Ang kalihokan gipangulohan ni Lt. Col. Jessie G. Bergonia, Commanding Officer sa 97IB, uban ang koordinasyon sa Provincial Government ubos ni Governor Darel Dexter T. Uy.
Mitambong ang mga representante gikan sa Philippine Army, Philippine Air Force, Philippine National Police, Philippine Coast Guard, Bureau of Fire Protection, Office of the Civil Defense–Region IX, DILG-ZDN, mga provincial offices ug LGUs sa Dipolog City, Katipunan, Roxas, Manukan, Jose Dalman ug Sindangan.
Kini nga miting nagsilbing unang plataporma sa paghiusa sa mga plano ug mekanismo sa koordinasyon alang sa umaabot nga simulation exercise nga nagtumong sa pagpalig-on sa kahandam ug interoperability sa nagkadaiyang ahensya batok sa posibleng hulga sa seguridad.
Ang kalihokan kabahin sa mga preparatory activities padulong sa Pebrero 2026 ITDO exercise, nga nagpalig-on sa whole-of-government nga paningkamot sa pagpanalipod sa katawhan ug teritoryo sa Zamboanga del Norte.(IKEN B. GULLEM)
Source: 97th Infantry “Kalasaglahi” Battalion