Giklaro ni Atty. Edmund Rey Calo, Election Officer IV sa Comelec Dipolog nga wa la sukad mahitabo nga adunay mireklamo nga mga nag-pila nga wala sila narehistro, kay sayud ang tanan naakomodar ang tanan ang buot nga magparegistro, pinaagi sa pag-captured sa biometrics.
Matud pa ni Atty. Calo nga ang mga isyu nga mikatap ang kini pagpangsaway sa politiko diin iyang gipasabot nga pamaagi usab kini sa matag grupo nga magabuhat ug isyu aron matod pa nga pagpangdaot sa administrasyon. Dugang pa niya ug mapamatud-an nga tinuod nga nagpila dayon wala marehistro, gamay ra unta ang kaayo ang narehistro sa Comelec.
Gibutyag sa Election Officer nga ang record sa narehistro gikan sa pagsugod sa Pebrero 12, 2024 hangtod sa Marso 9 anaa na sa 3,240 diin daghan ang naakomodar sa matag bulan anaa sa kapin usa ka gatos ang narehistro.
Ang tinguha sa Comelec Dipolog nga mas maayo nga daghan ang magparehistro kay ang tinguha o kampanya sa Comelec nga kinahanglan ang tanan maka parehistro. Gipasabot ni Atty. Calo nga ang daghan nagparehistro mao ang mga kabataan nga new voters ug daghan magparehistro matag Sabado nga estudyante gumikan walay klase.
Pagpaklaro pa niini nga wala naga-request si Atty. Calo ug Brgy. Tanod sa Brgy. Biasong gumikan matod niya walay gubot nga nahitabo ug iyang giklaro nga nag-request lamang siya ug police sa Dipolog PNP sa pagsugod pa lamang sa registration aron magpabilin ang kahapsay ug kalinaw sa mga nagapila nga buot magparehistro ug ginatagaan ug priority ang mga buros, PWD, Senior Citizen, ilabi na sa mga inahan nga dunay bit-bit nga puya o bata.
Misaysay pa siya kung adunay kadudahan ang nagparehistro kung diha ba mismo nagpuyo sa Brgy., ginatagaan pa sa Comelec Dipolog ug second chance nga maka-prisentar ug dugang dokumento nga nagpaila kung sila ba, kung sama sa Brgy. Certification gawas sa valid ID nga ilang gidala.
Sa panapos nga pamahayag ni Atty. Calo siya naga ahwag sa tanan nga magparehistro na ug dili na magpaabot pa sa deadline samtang ipahibalo ra unya sa Comelec Dipolog nga magpahigayon sila ug Satellite Registration nga muadto sila sa mga lagyong Brgy. karong umaabot sa bulan sa Mayo, apan una niyang ipriority ang dinhe sa Dakbayan sa Dipolog nga maakomodar ang tanang katawhan nga buot magparehistro.
(Angelica T. Obina)