Padayong gidagsa og mga katawhan ang buhatan sa COMELEC sa dakbayan sa Dapitan, alang sa pagparehistro, para sa ilang katungod nga maka boto sa umalabot nga piliay sa Barangay ug Sangguniang Kabataan Election (BSKE), diin kining maong registration nagsugod niadtong unang adlaw ning bulan sa Agosto ug taman lamang kini sa petsa 10, ning maong bulan.
Nasayran nga sulod lamang sa napulo ka adlaw ang nasangpit nga registration, diin lakip na niini ang adlaw’ng Sabado ug Dominggo, bisan gani og Holiday, abli ang buhatan sa COMELEC, sugod sa alas 8:00 ngadto sa alas 5:00 sa hapon.
Nasayran usab nga ang mga klase sa aplikasyon nga dawaton sa pagsugod niining Voter Registration, alang sa Barangay ug Sangguniang Kabataan Elections, mao ang bag-ong Rehistro, pag-ilis sa ngalan o Status, pag-usab sa sayop nga Entry, pagpa-aktibo sa daang Rehistro, pagdugang o pagbalik sa pangalan sa listahan sa Botante, pag-update sa impormasyon sa mga PWD, Senior Citizen, ug mga miyembro sa IP’s O ICC, pagbalhin sa Rehistro gikan sa Abroad padulong sa Local, ug dili pwede ang Local Transfer.
Ang mga pamaagi usab alang sa Online filing para sa, pagdugang o pagbalik sa pangalan sa listahan sa Botante, pag-update sa Impormasyon sa mga PWD, Senior Citizen, ug mga miyembro sa IP’s O ICC, pagbalhin sa Rehistro gikan sa Abroad padulong Local, sa gihapon, dili pwede ang Local Transfer, padayon nga pahimangno sa COMELEC nga dili gyud pwede ang pag-Transfer sa Rehistro gikan sa usa ka Lugar paingon sa lain nga Local Area.
Maingon man , nga giawhagan niini ang mga katawhan nga dili na maglangan, ug adtu-i na ninyo ang matag buhatan sa COMELEC sa inyong mga Lugar, aron dili kamo magdasok, kon kamo magproseso nga hapit na ang Deadline sa nasangpit nga Voter Registration, alang sa Barangay ug Sangguniang Kabataan Election.(Julius Esmade)
Source: CITY GOVERNMENT OF DAPITAN