Gisugdan sa National Nutrition Evaluation Team (NNET) ang ilang assessment sa Dipolog City isip kabahin sa proseso sa pag-evaluate sa implementasyon sa mga programa sa nutrisyon alang sa CROWN Maintenance Award.
Ang grupo nga gipangulohan ni Nimfa D. Ekong mibisita ug nakigkita kang Mayor Roberto Y. Uy niadtong milabay nga adlaw alang sa pagpatuman sa Monitoring and Evaluation of Local Level Plan Implementation Protocol (MELLPI Pro), nga gamiton sa pagsuta kung epektibo ba ang mga programa sa nutrisyon sa lokal nga lebel.
Sumala sa mga opisyal, ang evaluation maoy basihan sa paghatag o pagpadayon sa CROWN Maintenance Award, nga nagpasabot sa lig-on ug padayon nga implementasyon sa nutrition programs sa siyudad.
Mitambong usab sa aktibidad si City Nutrition Action Officer Riza Jane B. Zamoras uban sa ubang miyembro sa City Nutrition Council ug national evaluation team.(IKEN B. GULLEM)
Source: Dipolog City Government