Gipahigayon sa Coastal Resources Management Unit ang Communication, Education, and Public Awareness (CEPA) activity sa Felix Quimbo Memorial Elementary School sa Barangay Gil Sanchez, Labason, Zamboanga del Norte isip pagsaulog sa Coral Bleaching Awareness Month niadtong nilabay nga adlaw.
Mitambong ang 38 ka Grade VI nga mga estudyante, lakip ang 4 ka Badjao learners, ug naminaw sa lecture kabahin sa climate change, epekto niini sa baybayon ug kadagatan, ug bahin sa Safe Spaces Act. Gihatagan sab ang mga estudyante og IEC materials aron mas masabtan ang importansiya sa mangrove, seagrass, coral ecosystems, coral bleaching, ug hapsay nga pagdumala sa mga basura.
Gidayeg sa CRMU ang aktibong pag-apil sa mga kabatan-onan ug gidasig sila isip umaabot nga magdumala sa pagpanalipod sa kinaiyahan. Nahatagan sab og premyo ang mga nakatubag og sakto sa padula nga Q&A sa katapusan sa kalihokan.(JENIFFER JR. DELICA)
Source/Photo Courtesy: DENR Zamboanga Peninsula