Mitambong ang mga opisyal sa Philippine Coast Guard sa After Activity Review sa Kalasag–Zamboanga del Norte IATDO Exercise 01-2026 nga gihimo sa Camp Domingo C. Sagario niadtong Marso 11.
Gipangulohan ni Commander Coast Guard Station Zamboanga del Norte Sonny Philip E. Habal, ang delegasyon uban sa ubang personahe gikan sa Dipolog, Dapitan ug Roxas sub-stations.
Sa review, gipresentar ni Rosseau Z. Clerigo Jr. ang mga leksyon ug obserbasyon gikan sa exercise nga gihimo niadtong Pebrero 27. Gisugyot usab niya nga idugang sa sunod nga drills ang mga maritime scenario sama sa medical evacuation ug search-and-rescue operations aron mas mapalambo ang kahandaan sa mga responder.
Atol sa kalihukan, nakadawat usab si Habal og plaque of appreciation isip pag-ila sa kontribusyon sa Coast Guard sa malampusong pagpahigayon sa exercise.
Samtang, padayon nga gipalig-on sa Philippine Coast Guard ang koordinasyon sa lain-laing ahensya aron masiguro ang kaluwasan ug seguridad sa kadagatan.(IKEN B. GULLEM)
Source: Coast Guard Station Zamboanga del Norte