Gipalig-on pa ang kooperasyon sa maritime safety ug coastal security sa Zamboanga del Norte human sa sunod-sunod nga courtesy calls sa Philippine Coast Guard ngadto sa mga lokal nga opisyal sa Dapitan ug sa probinsya niadtong Abril 16, 2026.
Sa buntag, bag-ong Coast Guard Station Commander sa Zamboanga del Norte nga si CDR Romel D. Dua mipadayag og plano sa mas lig-on nga koordinasyon sa City Government of Dapitan sa iyang pakigpulong kang Mayor Evelyn “Belen” T. Uy. Gipakita niya ang tinguha sa mas epektibong pagtubag sa maritime concerns ug pagpanalipod sa baybayon.
Sa hapon, mipadayon ang courtesy call ni CDR Dua uban sa mga opisyal sa CGSS Dipolog kang Vice Governor Julius C. Napigquit sa Provincial Capitol, diin gihisgutan ang padayon nga suporta sa maritime safety, security, ug environmental protection sa probinsya.
Samtang, gipadayag ni Vice Governor Napigquit ang iyang pag-uyon sa mga programa sa Coast Guard, nga iyang giila nga hinungdanon sa kaluwasan sa kadagatan ug proteksyon sa mga coastal communities.(IKEN B. GULLEM)
Source: Coast Guard Station Zamboanga del Norte