Usa ka entrance conference ang gipahigayon tali na sa Commission on Audit (COA), ug sa pangagamhanang lokal sa dakbayan sa Dapitan sa pagpangulo ni Mayor Seth Frederick P. Jalosjos, inubanan sa pipila ka mga personahe sa local government unit of Dapitan, kaniadtong ika-21 sa Oktubre, sa Government Center.
Dinhi gipasabot ang mga heads of offices ug ang mga division o department heads kun unsa ang mga angay buhaton kun ipahigayon na sa naasoy nga komisyon ang pag audit.
Ang naasoy nga panagtigum gilangkuban sa mga personahe sa COA nga sila si Leonilo A. Morales, OIC-Supervising Director R-09, Americo B. Regencia, Audit Team Leader ingon man sila Onesima I. Lactuan, Ma. Joyce O. Elopre ug Reggie A. Bongcawel, Audit Team Members.
Matod pa ni Mr. Regencia, sila sa audit team naghatag ug patas nga opinion kung ang mga pinansyal nga pahayag patas usab nga girepresentar. Himoon usab nila ang pakigsabot sa mga opisina kung ang internal nga control labi na kung pinansyal, ang nakaapekto sa accounting ug sistema sa pag report, inubanan sa pagsunod sa mga probisyon sa balaod. Ingon man usab ang pag-assess sa revenue generation system ug mga aktibidad sa LGU.
(Source: Dapitan City Information Division Facebook page)