Nagmabulokun ang bag-o lang natapos nga Closing Ceremony sa gipahigayon nga Kalasaglahi-Zamboanga del Norte Inter-Agency Territorial Defense karong adlawa Agosto 20,2026 didto sa City Sports Complex, Barangay Olingan, Dipolog City.
Ang seremonyas gitambongan sa nagkadaing partner agencies sa Zamboanga del Norte,mga partisipante,Lokal nga kagamhanan,ug mga kawani sa gobyerno nga gilangkuban sa Philippine Army,Philippine Air force,Philippine National Police ,Office of the Civil Defense,Philippine Coast Guard,Bureau of Fire Protection ,Bureau of Jail and Management ,WestMinCom,Community Defense Center ,National Police Commission ,Philippine Navy, SWAT, ug mga partisipante sa Media.
Sa maong programa ang pipila sa opisyales sa mga Uniform personel, mipaampit sa ilang tagsa-tagsa ka mga mahinungdanong mensahe sa suporta ug kalampusan sa ehersisyo diin si Mayor Roberto Y. Uy mao ang nanganuna sa pagpadayag sa makahuloganong mensahe sa kalampusan sa maong aktibidad.
Lakip sa mipadayag sa ilang mensahe sa pagsuporta mao sila si Atty.Ruel S. Halanes, Regional Derictor,OCD-IX,MGEN Gerold N Gagan PAF J9,AFP,MGEN Yegor Rey P Barroguillo Jr Pa,Commander,1ID,PA, LTC Jessie G Bergonia INF (GSC) PA Commanding Officer,97IB ,1ID,PA, Zamboanga del Norte Governor Darel Dexter T. Uy.
Gipaambit ni Mayor Uy ang iyang pasalamat ug mga tinguha sa mga personahe nga misalmot sa natapos nga ehersisyo nga magpabilin sila sa ilang dedikasyon sa pagserbisyo ug pagpanalipod dili lang alang sa mga katawahan sa Zamboanga del Norte kundili alang sa tanan nga usa ka dakong bili alang sa pagpanalipod sa gahom sa kalinaw ug siguridad panahon sa insurhensya.
Nasayran nga kini nga aktibidad nagtumong sa pagpalambo sa kapabilidad, kahanas,kahibalo ug kaandam sa mga personahe sa pagpakgang sa hulga sa katilingban ug komunidad nga makatabang pagsilsil sa ilang kusog sa matang sa pagpanalipod nga usa ka pamaagi aron masukod ang ilang kalidad sa pagpanalipod sa soberanya sa atong nasud.
Sa samang higayon,si Governor Darel Dexter T. Uy sa katapusang bahin sa programa mipadayag usab sa iyang pasalamat ug suporta sa mga personahe sa ilang katakos ug dedikasyon sa ilang tahas gikan sa pagsugod hangtod na sa katapusang hugna sa maong ehersisyo diin pinaagi sa maong hiniusang koordinasyon ug paningkamot mahibaw-an gilayon ang posibleng senaryo nga posibleng mahitabo sa umaabot ug sa panahon nga adunay hulga sa insurhensya sa kadagatan,kahanginan ug ilabi na sa palibot sa kumunidad nga mapangandaman ug mapanalipdan.
News and photo by: MEDALYN U. BORJA