Nagpatuman og clearing ug excavation operations ang Provincial Engineering Office sa Zamboanga del Norte human sa landslide nga nakaapekto sa Gonayen Elementary School sa lungsod sa Siayan.
Ang maong aksyon gitumong sa pagtangtang sa nabanlas nga yuta nga mitabon sa pipila ka bahin sa eskwelahan ug nagdala og peligro sa kaluwasan sa mga estudyante ug magtutudlo.
Sumala sa mga otoridad, naapektuhan ang klase sa pipila ka estudyante tungod sa kadaut sa pasilidad, hinungdan nga napugos sila og balhin sa laing lugar samtang ginahimo ang mga lakang sa rehabilitasyon.
Gipasiugda sa Provincial Engineering Office nga magpadayon ang inspeksyon ug mga preventive measures aron masiguro ang kaluwasan sa eskwelahan ug malikayan ang susamang insidente sa umaabot.(JENIFFER JR. DELICA)
Source: Zamboanga del Norte Provincial News Network