Nadawat ni Police Lieutenant Colonel Khisna B. Asaali, Chief of Police sa Dipolog City Police Station, ang Unit Award isip First Place sa Class “A” City or Municipal Police Station Category sa monthly deliberation sa “Best of the Best” CPS or MPS nga gipahigayon sa Zamboanga del Norte Police Provincial Office.
Nakuha sa Dipolog City Police Station ang maong pagkilala alang sa bulan sa Enero 2026 tungod sa lig-on nga performance sa pagmintinar sa kalinaw ug kahapsay, pagpalig-on sa crime prevention ug crime solution, ug pagpausbaw sa public safety sa komunidad.
Ang maong kalampusan nagpakita sa dedikasyon, propesyonalismo, ug panaghiusa sa mga kapulisan sa Dipolog City Police Station, nga padayon nga nanguna sa paghatag og episyente ug matinud-anong serbisyo sa katawhan.(JENIFFER JR. DELICA)
Source: Dipolog City Police Station, ZNPPO