Mipahigayon og fire safety inspection ang personnel sa Dapitan City Fire Station sa nagkalain-laing establisemento sa Barangay Bagting, Santa Cruz, Banonong ug Sulangon sa Dapitan City niadtong nilabay nga adlaw.
Gipangulohan ni Fire Senior Inspector Rommel M. Rojas, Registered Electrical Engineer ug Acting City Fire Marshal, ang kalihokan nga gigamitan og body-worn cameras aron masiguro ang transparency, accountability, ug hustong dokumentasyon atol sa inspeksyon.
Sumala sa Bureau of Fire Protection, ang paggamit sa body-worn cameras nagpalig-on sa propesyonalismo sa mga fire safety inspectors, nagtabang sa pagmonitor sa compliance, ug nagpausbaw sa pagsalig sa publiko sa opisyal nga operasyon sa ahensya.(JENIFFER JR. DELICA)
Source: BFP R9 Dapitan City Fire Station