Gipahigayon sa City Government of Dipolog ang benchmarking visit sa Hardam Furigay Colleges Foundation Inc. – Graduate Studies Department niadtong September 1, 2026, aron makat-on sa mga pamaagi sa pagdumala ug mga sistema sa serbisyo publiko sa siyudad.
Nakigpulong ang visiting group sa mga representante gikan sa nagkalain-laing opisina sa City Government of Dipolog, lakip ang City Legal Office, City Human Resource Management and Development Office, Management Information Technology Office, City Planning and Development Office, City Environment and Natural Resources Office, ug City Disaster Risk Reduction and Management Office.
Atol sa kalihokan, gipangulohan sa mga opisyal ug personnel sa maong mga opisina ang mga diskusyon bahin sa ilang tagsa-tagsa ka sistema ug pamaagi sa pagdumala. Lakip niini ang legal services, human resource management, information technology, city planning, environmental governance, ug disaster risk reduction and management.
Nahimong higayon ang maong benchmarking visit alang sa pagbinayloay og kahibalo ug best practices sa organizational management, digitalization, planning, pag-atiman sa kinaiyahan, disaster preparedness, ug responsive public service.(JENIFFER JR. DELICA)
Source: Dipolog City Government