Gipaila sa City Health Office ang mga health workers nga gi-deploy sa Department of Health ngadto kang City Mayor Roberto Y. Uy kagahapon, Enero 06, 2025, sa iyang buhatan sa dakbayan sa Dipolog.
Ang kalihukan gipangulohan ni Assistant City Health Officer Dr. Frances Anne A. Bustillo, kauban ang mga opisyal sa Corazon C. Aquino Hospital ug Provincial Department of Health Zamboanga del Norte. Ang mga gipaila nga personnel kabahin sa Nurse Deployment Program ug Human Resource for Health Placement Program sa DOH.
Sa kasamtangan, adunay 14 ka nurse, lima ka midwife, ug usa ka dietician nga ipahimutang sa nagkalainlaing barangay sa Dipolog City aron mapalig-on ang paghatod sa batakang serbisyo panglawas ug mapalapad ang access sa healthcare sa komunidad.(JENIFFER JR. DELICA)