Pakigtambayayong sa Cagayan State University (CSU) sa Department of Science and Technology (DOST) Region IX ug Technical Education and Skills Development Authority (TESDA) Region IX sa pagtukod sa C-Trike Kit Developer and Training Center sa Zamboanga del Norte pirmado na human mapirmahan ang Memorandum of Agreement kaniadtong Oktubre 22, 2025.
Pinaagi sa Electromobility Research and Development Center (eMRDC), nakahimo ang CSU ug espesyal nga conversion kit nga makausab sa kasagarang traysikel ngadto sa electric-powered C-Trike, nga gidesinyo alang sa mga modelo nga kasagaran gamiton sa lalawigan.
Ang proyekto, nga kabahin sa “FASTRAC Lite: Development and Validation of the Improved Cost-effective Electric Kits for the Conversion of Conventional Tricycle to eTrike,” naglatid sa pagpalapad sa teknolohiya pinaagi sa pag-establisar sa training center ngaunang satellite hub sa CSU gawas sa Region II.
Sa kasabutan, ang CSU mao ang technology generator, samtang ang TESDA IX mao ang licensee nga magmugna ug mag-train sa mga lokal nga fabricators ug installers. Ang DOST IX, sa laing bahin, magahatag ugtechnical support, monitoring, ug promotion sa teknolohiya sa tibuok Zamboanga Peninsula.
Sumala ni TESDA IX Acting Regional Director Engr. Alan C. Bacatan, kini nga panaghiusa usa ka milestone sa inobasyon ug kalikupan alang sa rehiyon. Samtang si DOST IX OIC Regional Director Jennifer A. Pidor nagpasidungog sa CSU sa ilang pagpaningkamot nga maghatag ug teknolohiya nga makatabang sa panginabuhian ug sa pagpakunhod sa epekto sa klima.(Iken B. Gullem)
Photo courtesy: via DOST Regional Office No. IX