Gipahigayon kaganihang buntag sa may alas 9:00 ang takna, Nobyembre 11, 2021 ang City Development Council Meeting (CDC) didto sa ikaduhang andana sa City Hall, ning dakbayan.
Ang maong tigum ang gidumala sa City Planning and Development Office, sa pagdumla ni City Planning and Development Coordinator, Engr. Albert S. Alimpulos, nga gitambongan sa mga nagkalain-laing buhatan ilawom sa kagamhanang lokal sa siyudad, ingon man usab sa pipila ka mga Punong Barangay (Liga ng mga Barangay), Non-Governmental Organizations (NGOs) ug Sangguniang Kabataan Federation, tanan dinhi sa siyudad.
Gituki atol maong tigum mao ang pag-aprobar sa City Nutrition Action Plan alang sa tuig 2022, alang sa padayong pagpatuman sa mga nagkadaiyang programa sa nutrisyon alang sa mga kabataan, aron magpabiling silang mahimsog sa tanang panahon.
Samtang malamposon usab nga gi-concurred ang gipresentar nga Local Climate Change Action Plan alang sa tuig 2022 – 2025 nga gibatbat ni Engr. Albert Alimpulos, human kini mihimo sa pagpasabot ngadto sa council sa unod sa nasangpit nga plano, nga nagtuki gikan sa mga nahimong suliran dinhi sa atong dakbayan nunot sa kalit nga pagdagan sa atong panahon, uban sa pag-presentar usab sa mga kasulbaran niini, diin dinhi sa atong siyudad, kasagaran nga masinati mao man ang kalit nga pagbaha bunga sa pag-awas sa atong mga kasapaan ug kasubaan, busa kinahanglan nga i-mintinar kini uban sa pagmugna og mga proyekto aron malikayan ang pag-awas ug pagbaha niini panahon sa kusog ug sige nga pag-ulan.
Lakip sa na-aprobahan atol sa panagtagbo sa CDC mao ang Resolution nos. 02-2021, 03-2021, 06-2021 ug 08-2021, sa Local Disaster Risk Reduction and Management Councl (LDRRMC), ning siyudad, aron mapatuman na ang mga programa niini alang sa sunod tuig 2022.
Nalakip usab sa pag-concurre ang duha (2) ka managlahing resolusyones, nos. 1 – 2021 ug 2 – 2021 sa City Youth Development Council (CYDC).
Atol sa Other Matters, mipahinumdom si City Engineer, Susan B. Ualat ngadto sa mga opisyales sa Barangay nga mitambong sa kanunay nga paglimpiyo sa mga kanal dinha sa ilang barangay aron dili mababagan ang pag-agi sa tubig panahon sa ting-ulan ug malikayan ang paglanab o pagbaha, ingon usab sa pagpananom og mga kahoy dinha daplin sa dalan aron makatabang batok sa posibleng pagdahili sa yuta o landslide. Sa susama usab nga bahin, mipahinumdom usab si CDRRM Officer, Atty. Arvin Bonbon sa mga opisyales sa barangay sa pagsusi sa kahimtang sa mga tulunghaan nga gigamit isip mga Barangay Isolation Units (BIUs), aron kon kini ang i-uli na ngadto pagbalik sa DepEd, kinahangalan nga kini ang “good condition” gihapon sigun sa nasabotan tali sa Kagamhanang lokal ning dakbayan ug sa DepEd pinaagi sa MOA kalabot na sa temporaryong pagpagamit niini isip Barangay Isolation Units panahon ning pandemya.
Ang maong tigum ang gitambongan nila ni City Mayor Darel Dexter T. Uy, isip chairman, konsehal Marilou Calibo, konsehal Praxy Rubia ug konsehal Julius Gajonera (Liga ng mga Barangay). Rev.Fr. Enrico Montano (CESCOD) uban na sa mga buhatan sa City Engineering, City Information, City Budget, City Social Welfare and Development, City Nutrition Division, Liga ng mga Barangay ug uban pa.
(Source: City Information Office | Dipolog City Government Facebook page)
