Sulod sa mga custodial ug correctional facilities, gipatuman ang urban gardening program alang sa mga Persons Deprived of Liberty (PDL) isip kabahin sa ilang rehabilitasyon ug pagpalambo sa kahanas, nga nagtumong sa pagpalig-on sa disiplina, responsibilidad, ug kasiguruhan sa pagkaon.
Pinaagi sa hands-on nga pagbansay sa pagpananom og utanon, paghimo og compost, pagdumala sa yuta, ug sukaranang agribusiness, ang mga PDL nakakat-on og praktikal nga kahibalo nga magamit sa panginabuhian inig balik nila sa katilingban.
Ang programa gisuportahan sa Department of the Interior and Local Government (DILG) ug Department of Agriculture (DA) isip kabahin sa paningkamot sa gobyerno batok sa kagutom ug alang sa food security, uban sa mga inisyatiba sama sa Halina’t Magtanim ng Prutas at Gulay, Kadiwa Ay Yaman, ug HAPAG KAY PBBM.
Gilauman nga pinaagi sa urban gardening, dili lamang ani ang maproduce sa mga PDL kondili usab paglaum ug bag-ong kahigayunan alang sa mas lig-on nga kaugmaon.(IKEN B. GULLEM)
Source: Liloy District Jail-Bjmpr9