28.9 C
Manila
Friday, March 29, 2024

Dipolog: CHED Gikatakdang Molusad Sa “Padyak Bakuna” Dinhi Sa Dakbayan

- Advertisement -

Gikatakdang ipahigayon dinhi sa dakbayan ang “PADYAK BAKUNA” (Bike Ride) karong umaabot Oktubre 25, 2021 (Lunes) nga magasugod sa may kapin kon kulang alas 3:00 ang takna sa hapon dinha sa Dipolog Boulevard.

Kining maong kalihokan ang gipasiugdahan sa rehiyonal nga buhatan sa Commission on Higher Education (CHED) pinaagi ni CHED Regional Director, Rody Garcia, nga paga-tambongan usab sa mga kadagkuan gikan sa nasudnong buhatan sa CHED sa pagpanguna ni CHED chairman J. Prospero E. De Vera III, kinsa mahidangat dinhi sa dakbayan sa susamang adlaw.

Atol sa usa ka panagtigum nga gipahigayon kaganihang mga ala 1:00 ang takna sa hapon, Oktubre 21, didto sa 2nd floor, City Hall, ning siyudad kalabot sa maong kalihokan, dugang nasayran nga kining maong “Padyak Bakuna” ang ilusad sa CHED sa tumong nga kahatagan usab sa bakuna ang mga magtutudlo partikular gikan sa atong mga kolehiyo ug state universities dinhi sa atong rehiyon, isip dugang nga pagpalapad sa kampanya karon sa atong nasudnong kagamhanan alang sa vaccination rollout dinhi sa nasud.

Sumala pa nga sa Oktubre 25 sa buntag, mahidangat dinhi sa dakbayan ang mga kadagkuan gikan sa CHED gikan sa kaulohan, diin usa ka motorkada ang ipahigayon nga magsugod sa Dipolog Airport subay na sa pipila ka mga kadalanan dinhi sa siyudad ug motapos didto sa Dipolog Medical Center, alang sa usa Press Conference ug Ceremonial Vaccination Rollout” alang sa mokabat 100 ka mga magtutudlo gikan sa nagkalain-laing mga kolehiyong tulunghaan dinhi sa siyudad.

Sa pagka-hapon sa susamang adlaw, ipahigayon na usab ang “PADYAK BAKUNA” (Bike Ride) gikan dinhi sa dakbayan padulong na didto sa dakbayan sa Dapitan, diin ilusad usab ang susamang kalihokan didto sa pagka Oktubre 26.

Dugang usab nga nasayran nga ang pagpahigayon ning maong kalihokan dinhi sa atong siyudad ang gi-koordinar sa rehiyonal nga buhatan sa CHED, diin siyento por siyento usab nga gisuportahan ni City Mayor Darel Dexter T. Uy.

Ang panagtigum nga gipahigayon kalabot niini ang gitambongan nila ni City Mayor Darel Dexter T. Uy, Acting City Administrator, Atty. Prince Edwin I. Gonzales, Mr. Ernie Rojo, City Tourism Officer, Cecil Bilog, City Engineer, Susan Ualat, TMO Head, Felipe Mangila, CIO Administrative Officer V / OIC CIO, Alan Bengua ug Dipolog City Deputy Chief of Police, Maj. Arcelito Derama uban usab nila ni CHED Regional Director Rody Garcia, ug pipila ka mga kadagkuan ug representantes gikan sa mga kolehiyong tulunghaan sama nila ni Saint Vincent’s College President, Rev. Fr. Nathaniel Denlaoso, Dr. Jerry Concha sa Dipolog Medical Center, Mr. Julius Elopre sa Andres Bonifacio College, Engr. Leonardo Zamoras sa JRMSU ug uban pa, tanan dinhi sa siyudad.

(Source: City Information Office | Dipolog City Government Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -